ياويل قلبي

ياويل قلبي كل مااشتقت لقياه
.وشلون ماتشتاق عيني لعينه

أنا أدري إني حيل أحبه وأهواه
وأنا أدري إن القلب صار بيدينه

أموت أنا به في غيابه وأحياه.
وشلون أجل لو صافحتني يمينه

حاولت أنا اكتم عبرتي يوم فرقاه
وألملم جروح الزمان الطعينه

واعطيه من قلب المعنّى معاناه
وآخذ من جروحه ولو هي دفينه

وأضيع به في زحمة الناس وأنساه.
وأنسى معه ذكرى السنين وحنينه

لقيت نفسي كل ما حل طرياه
.عروق قلبي كلها تقول وينه

يامر على قلبي ولا شك ينهاه
كلي أنا تحت الإشارة رهينة

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
.وحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب .. شينه

والزين ما يكمل ولو كان ماحلاه
إلا حـبيــــبي ماتغــــــيّر بزينـــــه

ماجيت أسولف عن حلاه ومزاياه
.يكفي أحاسيسي وقلبي عارفينه

كن الفضا في غيبته ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

باكتبه أنا في صفحة الشعر واقراه
.وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلـــوع الحنينـــــه

بوسط الحشا في داخل الصدر مثواه
إمـــــا يســار القلب وإلا يمينــــــه

لو يشتكي المظلوم وش بيدينـــه ۩இ۩ من يرحمه لا هلت عيونه دموع




من يسمعه لا باح خافي كنينـــــه ۩இ۩ من هو يرد القلب لا صار منزوع







مهما شكى قلبه وعقله وعينــــــه ۩இ۩ شكواه ما ماتنفع ولا هو بـ مسموع






ربي على خافي همومه يعينــــه ۩இ۩ قلبه غدا في روض الهم مزروع






زرعه ذبل من قبل وقته وحينه ۩இ۩ صارت حياته هم وآلام ووجوع






يوم انقطع حبل الرجى في يمينـه ۩இ۩ يسحب ولاكن حبل رجواه مقطوع






ما عاد باقي كود ذكرى حنينــــه ۩இ۩ في خافقي برق الرجى عنه ممنوع






هذي معانات القلوب الحزينـــــه ۩இ۩ مهما يصيح اليوم ماني بـ مسموع