ودي اموت اليوم واعيش باكر

ودي اموت اليوم واعيش باكر
واشوف منو بعد موتي فقدني

منهو حملني لين ذيك المقابر
واشكر انا كل من كرمني ودفني

واشوف يرثيني انا كم شاعر
ومنهو تركني وماكتب شي عني

شخص تعنا لي مع انو مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح ادموعه كل ماذكرني

ومنهو من اهلي بالعزا كان حاضر
ومنهو دعالي في صلاته ورحمني

ومنهو بنى بااسمي سبيل ومنابر
ومنهو يفز قلبه الا لمحني

ومنهو عشاني طول الايام ساهر
ومنهو ثلاث ايام راح وتركني

ومنهو يرتب غرفتي والدفاتر
وان شاف صوره لي مات وحضني

يالله عسى ماتخفى كل المشاعر
ياالله عسى ماينصدم يوم ضني

خايف يروح العمر واكون خاسر
وان طار طيري مايفيد التمني

واخاف يجيني وقت اكسر خواطر
اندارت الدنيا وزماني كسرني

ومدام هذه الدنيا صارت مضاهر
وكل من على كيفه وجوه يغني

صحيح مسلم لاكن الهم كافر
كل مابغيت اضحك يهددني حزني

الضيق وافي والحزن حيل وافر
والجرح اكثر شي شفته يحبني

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني ياحزني امر
مسكين فرحني صدق انو وحشني

شاعر ولاكني ماني ب شاعر
ودي اموت اليوم وارتاح مني