تسألني احبك

احبك اي نعم وي روحي اسولف بيك
وناسك كــــــــل وكت عندي من اعز ناسي
يوازيني الوكت وانضنك حيل اعليك
واشتاكك دمع وي كطعــــــــــــــــة انفاسي
ياعين الحلم ياطيف عشته اسنين
ياشوكي ومزاجـــــــــــــــي واحله جلاسي
خاويتك وطن سابع محـــال انساك
واركن للبعد بس لاتظـــــــــــــــــن ناسي
كظيت العمر كله اعله كيفي وياك
مره انت اعله كيفك لاتظــــــــــــــل قاسي
تدري انه بكثر مابيك احبك صار
وعيونك خيال ونامــــــــــــــــــــن بكاسي
ياطعم الهوه البروح وانت الماي
وانت انت الوحيد الحبــــــــــــــك براسي
ليش اتظل جرح كل مااريده يطيب
ترجع من جديد وتلجــــــــــــــم احساسي
طك مايك امس والجرف عيد بيه
ومركب للشماته اويــــــــه الجرف راسي
وانه اصفر ورك عالجالي صايرليش
وعيون العطش مارحمـــــــــــــــن بياسي
كل ظنك طحت ؟ماطيح وانه اهناك
حايط مـــــــــــــــــن صبر ماينثلم ساسي
يللي شماأعد تطلـــــع صفر بالايد
منك ايست وارد اعلــــــــــــــــن افلاسي

تسلم اخوي انور

دمت بود