على كلبي اني احزن

على كلبي اريد اني احزن هواي
انكسر بيد الاحبة وصار طشار
يكابر بالجرح ويعاند الاه
وعلى كبر الحزن حط باقة ازهار
ضحكتة بعالي حسة لمن يطيح
يخاف امن الشماتة تشوف الاسرار
يذب عيون من يصفن على الليل
وتشوفة بثلج وهو مشتعل نار
يدك نبض اليحبه اتكلة اهواك
ومن يصد تدك بظهرة بسمار
اثار الجروح امعندة متطيب
زغير الكلب بس هواي الاثار
اشكثر مسكين من يتاني بالعيد
عبالة العيد فرحة وكلشي يندار
حضر لليجون فراش بالعين
واثاري السوك خارط ماكو خطار
وجمالة النحبة جاب سجين
ذبح كلبي ضحية وطشة عالجار
اشكثر عينك وكيحة تعاند وياي
وانا بكلبي الك خليت تذكار
كتلك لاتحطني بحلك شمات
طلعت الشامت انت وصرت غدار
موعيب اليأمن سرة لو حب
بس عيب اليأمن يم مرة اسرار
هواي الحبوا ويفشل عشكهم
ولافاشل عشك وكالوا علية عار
العتب عالمثلك انت طلع ميجوز
تعرف ليش؟
مايحتاج اكلك هاي اسرار

يسلموا انور

مشاركة رائعه