لو تدري العشــكــ

لو ندري العشگ

لوتدري البعد شيسوي وسط الروح
لو تدري الفراك بحالتي شسوه

مثل طفله يتيمه ومن اجاهه العيد
ظلت عينهه على الباب تتلوه

جروح البيهه زادت شككت بالثوب
بس الله اليداوي واهل المروه

لو تدري البعد خلف جروح زغار
كبرن بالبعد واتزوجن قسوه

حفل بعدك ضخم وتوزعن دعوات
عازم شكو شامت..يسوى ما يسوى!!

امنتك عليه وخنت ودي شبيك؟؟
صافن بس عليك وماي من جوه

انطيتك عمر بهمومه والافراح
والاشعار كلهه ترخصت..فدوه

ياتربة غدر ودموع عيني الماي
تشربهم بساع وابد ما تروه

لو ندري العشك يلعب لعب بالروح
ما حبينه شخصك لا ولا نهوى

من يا صخر كلبك انته اي مخلوق؟؟
وبداخلك كلي شيضم وشيحوى؟؟

ما اكلك اناني لا ولاغدار
اكلك انته انته وقدر شتسوه

ما اخاطب ضميرك ادري بيه مدفون
واليخاطب الميت ينتظر صحوه؟؟!

ما ابجي على حالي اني ابجي عليك
اخاف عليك منك لاحتك عدوى

حبيتك نعم اعترف اني بهاي
مااكدر اكرهك هيه مو كوه

بس حبيت اسلم واسال على الحال
عساك بخير وتنال الذي تهوى ...

اعجبني جدا هذا البيت

لو تدري البعد خلف جروح زغار
كبرن بالبعد واتزوجن قسوه

اختيار موفق وتسلمين

» ليتك تدري وش كبرهـ بقلبي غــلآكـ